8 наурызда күн жылы болады
"Қазгидромет" РМК-ның хабарлауынша, нәзік жандылардың күніне орай 7-9 наурызда Қазақстанда күннің жылынуы күтіледі. Кей аймақтарда жауын-шашын мен қар жаууы мүмкін.
"Елдің басым бөлігінде жаңбыр, қар жауады. 9 наурызда республиканың оңтүстігінде, күндіз оңтүстік-шығысында қатты жаңбыр жауады", – деді синоптиктер.
Күндіз батыста 0...8°, солтүстікте -4...+1°, оңтүстікте +10...+20° жылы болады.
"Республика бойынша да желдің күшеюі күтілуде. Батыста, солтүстікте және орталықта тұман түседі", – деп жазылған хабарламада.
Abai.kz
