Сенат вейпке тыйым салуды көздейтін заңды мәжіліске қайтарып, вейпингтік жарнамаға тыйым салуды ұсынды. Бұл туралы Abai.kz хабарлайды.

Көк түтінді будақтататын вейпке тыйым салу туралы заң енгізуді ұсынған еді. Парламент Сенатының отырысында депутаттар вейптерді сатуға, таратуға және әкелуге тыйым салатын заңға өзгеріс енгізіп, Мәжіліске қайтарды.
Сенаторлар келесі өзгерістерді ұсынды:

Әкімшілік құқық бұзушылық туралы кодекстен тұтынушылардың электрондық жүйелерін және оларға арналған сұйықтықтарды сату, пайдалану, демеушілік көрсету үшін жауапкершілікті реттейтін нормаларды алып тастау. Бұл вейптердің, хош иістендіргіштердің және олар үшін сұйықтықтардың айналымы үшін қылмыстық жауапкершіліктің енгізілуіне байланысты қажет.

Тауар таңбасының элементтерін және шылым шегумен байланысты емес темекі бұйымдары мен вейптердің атауын пайдаланатын тауарларды жарнамалауға, сондай-ақ темекі шегумен байланысты емес темекі бұйымдары мен вейптерге сұраныс пен қызығушылықты ынталандыруға бағытталған түрлі іс-шараларды, соның ішінде ұтыс ойындары мен лотереяларды өткізуге тыйым салуды енгізу.

Abai.kz