Мемлекет басшысы Қасым Жомарт Тоқаев білім гранттарын саралауды енгізуді тапсырған еді.

Тапсырмаға сәйкес, "Мемлекеттік шәкіртақыны тағайындау, төлеу және мөлшерлемелерін бекіту туралы" үкімет қаулысына өзгерістер мен толықтырулар жобасы қоғамдық талқылауға ұсынылды.

Жаңа қаулыда 100 пайыз грантта оқымайтындарға шәкіртақы төлеу ұсынылып отыр.

Оқушылардың ҰБТ-ғы алған баллы, оқудағы үлгерімі де рөл ойнамақ.

Қазір шәкіртақы барлық студентке бірдей беріледі. Енді 2024 жылдан бастап оқу үлгерімі үздік студенттерге шәкіртақыны ұлғайту және бонустар белгілеу ұсынылды. Бакалаврлар үшін – айына 41 898 теңгеден 47 135 теңгеге дейін, үздік студенттер үшін – 54 205 теңгеге дейін;

Магистранттар үшін – 97 024 теңгеден 107 061 теңгеге дейін, оқу үздігі үшін – 123 120 теңгеге дейін; Докторанттар – 217 500 теңгеден 240 000 теңгеге дейін.

Abai.kz