Қазақстан Президентінің Жарлығымен Қазақстанның бұрынғы Қорғаныс министрі Сәт Тоқпақбаевқа – «Халық қаһарманы» атағы берілді.

«Президент Жарлығымен Қазақстан Республикасына сіңірген аса үздік еңбегі үшін мемлекет қайраткері Сәт Бесімбайұлы Тоқпақбаевқа «Халық қаһарманы» атағы беріліп, айрықша ерекшелік белгісі – Алтын жұлдыз бен «Отан» ордені тапсырылды»,- делінген Жарлықта.

Сәт Тоқпақбаев 1993-1995 жылдары ҚР Ұлттық қауіпсіздік комитетін басқарған, 1999-2001 жылдары ҚР Қорғаныс министрі қызметін атқарған. 2007-2016 жылдары Мәжіліс депутаты болды. Сәт Бесімбайұлы Тоқпақбаев 17 қыркүйек күні 85 жасқа толады.

Abai.kz