“Қазақстанда ел-жұртқа тиiмсiз делвальвация болды. Президент Назарбаев қарта­йып барады, оның мұрагерi де жоқ секiлдi”, – дептi Лимонов.

Ресей ұлтшылы сондай-ақ дүрбелеңге ұрынған Украина туралы да осындай пiкiр айтады. Оның батыс бөлiгi “бандерашыл” топтардың ие­лi­гiнде қалса, оңтүстiк және шы­ғыс жағы Ресейге қосылуы керек дейдi.

Осы электронды сайтта бұл Лимоновтың тоқсаныншы жылдардың ортасында Көкшетау облысында жергiлiктi казактар қауым­дас­тығының қолдауымен көтерiлiс жасап, сол аймақты басып алмақшы болғаны да айтылады.

Жаңалыққа құлағы түрiк жүретiн адамдар Лимоновтың аты-жөнiнен хабардар. Оның Казимирчук деген жақтасы бастаған 22 адамнан тұратын ұлтшыл топ (бұ­лардың 12-сi ресейлiктер) 1999 жылы Өскеменде көтерiлiс жасап, жергiлiктi билiктi құлатып, “Ресей Алтайы” республикасын ашпақ болған әрекетiн де әлi ұмыта қойғамыз жоқ.

Биылғы жылы осы Лимонов бас­қа­ратын “Другая Россия” тiркелме­ген партиясының ұйымдары Қазақстан жерiн­де жұмыс iстеп жатыр деген бiр хабар жеттi. Бұның да рас-өтiрi­гiн әлi ешкiм айтқан жоқ.

Бiр ескерте кететiн жайт, Ресейде осы Ли­монов секiлдiлердiң ешкiм бетiнен қақпайды. Байқасақ, бұлар “үлкен көршi­мiз” қолданатын саясаттың қосалқы бiр құралы тәрiздес. Себебi Ресей бұл се­кiлдi “басып алам” деген қоқан-лоққыны ресми түрде жариялай алмайтыны белгiлi. Өйтсе, халықаралық шиеленiске ұрынары сөзсiз. Сондықтан өзiнiң iшкi ойын бұрын­ғы отары болған елдерге Лимонов се­кiлдiлер арқылы жеткiзе­тiн      сияқты. Өткен күзде Ресейдiң Терновка деп аталатын темiр жол стансасында техникалық себеппен тоқтаған “Мәскеу – Душанбе” бағытындағы жолаушылар пойызына жергiлiктi славян тектес ұлтшылдар шабуыл жасаған. Соның салдарынан бiраз адам жарақат алып, көптеген вагондардың терезесi қирады.

Ең сұмдығы, осыны көрiп тұрған жол бо­йының полициясы мен станса басшылары ешқандай әрекет жасамаған. Сол пойызда келе жатқан Ресей жағының темiржол қауiпсiздiгi ревизорлары да ешқайда хабарламапты. Кейiн бұл мәселе мемлекет­аралық талқыға түскен кезде де, Ресей жағы әлгi оқиғаға не оң, не терiс деген баға бермедi. Осыған қарап, Ресей ұлтшылдарының қолдаушылары Кремль­дiң нақ төрiнде отырғанын аңғару қиын емес.