Әлеуметтік желіде тараған ақпаратқа сүйенсек, Шымкент қаласында орналасқан М.Әуезов атындағы ОҚУ ректорының міндетін атқарушы Қайрат Нұрманбетов пара алды деген күдікке ілінген. Қазір оқиғаға қатысы бар тағы екі адамға қатысты іс қозғалған.

Аталған ақпарат бойынша ресми пікір білдірген Шымкент қалалық сотының баспасөз қызметі 3 адамға «күзетпен ұстау» түріндегі бұлтартпау шарасына санкция берілгенін мәлімдеді.

«Шымкент қаласының мамандандырылған тергеу сотымен күдікті Нурманбетов Кайратқа және екі тұлғаға қатысты 2 айға, яғни 2024 жылғы 18 қыркүйектен 2024 жылғы 18 қарашаға дейін «күзетпен ұстау» түріндегі бұлтартпау шарасына санкция беріліп, кепіл мөлшері айқындаусыз қалдырылған. Қаулы заңды күшіне енді. Ал, қалған сотқа дейінгі тергеп-тексеру деректер Қазақстан Республикасының Қылмыстық-процестік кодексiнің 201-бабының талаптарына сай жария етiлмейді» — делінген ведомство ақпаратында.

Abai.kz