«Yesil Technology Company» компаниясы «Kazakh Invest» қолдауымен елімізде өнеркәсіптік пилотсыз дрондар өндірісін жолға қоймақ. Бұл туралы Мың теңге телеграм арнасы жазды. 

Жоба аясында ауданы 50 000 шаршы метр өндірістік және ғылыми зерттеу аймағы салынбақ.

Аймаққа аккумулятор шығаратын цех, инновациялық технологиялар ғылыми зерттеу орталығы, машиналардың толық циклін сақтау, ұшу аппараттарына арналған сынақ алаңы кіреді.

Өндірісті бастау нәтижесінде 500 жұмыс орны ашылмақ. Инвестиция көлемі – 12 млн доллар. Өнімдер жергілікті нарықтарға, сондай-ақ Орта­лық Азия елдерінің нарығына жеткізілмек.

Дүниежүзілік ұшқышсыз ұшу аппараттары федерациясының мәліметтері бойынша, 2024 жылы төмен биіктіктегі экономиканың әлемдік нарығының көлемі 318,64 млрд доллар болды. 2050 жылға қарай бұл көрсеткіш 8,8 трлн доллардан асады.

Abai.kz