Бүгін Қазақстан президенті Қасым-Жомарт Тоқаев бірқатар ауыс-түйістер жасады. Президент Жарлықтары Ақорда телеграм арнасында жарияланды.

Сонымен, кімдер қандай қызметтерге тағайындалды? Қараңыз:
«Мемлекет басшысының Жарлығымен Қанат Бисимбайұлы Шарлапаев Қазақстан Республикасы Президентінің экономикалық мәселелер жөніндегі көмекшісі болып тағайындалды, ол бұрынғы атқарған лауазымынан босатылды», - делінген Жарлықта.

«Мемлекет басшысының Жарлығымен Әсет Арманұлы Ерғалиев Қазақстан Республикасы Стратегиялық жоспарлау және реформалар агенттігінің төрағасы болып тағайындалды, ол бұрынғы атқарған лауазымынан босатылды», - делінген Жарлықта. Бұл қызметті осыған дейін Жандос Шаймарданов атқарып келген. Ол қызметінен босатылды.

«Мемлекет басшысының өкімімен Абай Серікұлы Қайырбеков Қазақстан Республикасы Ішкі істер министрінің орынбасары – Қылмыстық-атқару жүйесі комитетінің төрағасы лауазымына тағайындалды», - делінген Жарлықта.

Мемлекет басшысының Жарлығымен Ерсайын Қайырғазыұлы Нағаспаев Қазақстан Республикасының Өнеркәсіп және құрылыс министрі лауазымына тағайындалды.

Abai.kz