Ұстаздар күні мерекесінде «Ұстаз аты - биік әрі мәңгі» атты мерекелік іс-шара өтті.

Бүгін Алматы қаласы Жетісу ауданындағы М.Жұмабаев атындағы №137ЖЖБ мектеп пен №118мектеп-гимназия, №97, №98, №101, №102 балабақша лар бірлесіп «Ұстаз аты биік, әрі мәңгі»» атты  мерекелік іс-шара ұйымдастырды.

Ұстаздар күніне орай ардагер ұстаздарға арналған мерекелік іс-шараның мақсаты – саналы ұрпақ тәрбиелеп, білім саласына елеулі үлес қосқан ардагер ұстаздарға құрмет көрсету, жастарға үлгі ету.

Сурет: Шара ұйымдастырушыларынан алынды.

Іс-шара барысында ардагер ұстаздарға құрмет көрсетіліп, гүл шоқтары мен естелік сыйлықтар табысталды. Жас ұстаздар мен оқушылар концерттік бағдарлама ұйымдастырды.

Сурет: Шара ұйымдастырушыларынан алынды.

Өз кезегінде ардагер ұстаздар жылы лебіздерін білдіріп, өз өмір жолдарынан естеліктер айтып, жас мамандарға жүрекжарды тілектерін арнады.

Бұл шара – ұстаз мамандығының қадір-қасиетін арттыруға, алдыңғы буын мен кейінгі ұрпақ арасындағы байланысты нығайтуға бағытталған игі бастама болды.

Abai.kz