ۇستازدار كۇنى مەرەكەسىندە «ۇستاز اتى - بيىك ءارى ماڭگى» اتتى مەرەكەلىك ءىس-شارا ءوتتى.

بۇگىن الماتى قالاسى جەتىسۋ اۋدانىنداعى م.جۇماباەۆ اتىنداعى №137ججب مەكتەپ پەن №118مەكتەپ-گيمنازيا، №97, №98, №101, №102 بالاباقشا لار بىرلەسىپ «ۇستاز اتى بيىك، ءارى ماڭگى»» اتتى  مەرەكەلىك ءىس-شارا ۇيىمداستىردى.

ۇستازدار كۇنىنە وراي ارداگەر ۇستازدارعا ارنالعان مەرەكەلىك ءىس-شارانىڭ ماقساتى – سانالى ۇرپاق تاربيەلەپ، ءبىلىم سالاسىنا ەلەۋلى ۇلەس قوسقان ارداگەر ۇستازدارعا قۇرمەت كورسەتۋ، جاستارعا ۇلگى ەتۋ.

سۋرەت: شارا ۇيىمداستىرۋشىلارىنان الىندى.

ءىس-شارا بارىسىندا ارداگەر ۇستازدارعا قۇرمەت كورسەتىلىپ، گۇل شوقتارى مەن ەستەلىك سىيلىقتار تابىستالدى. جاس ۇستازدار مەن وقۋشىلار كونتسەرتتىك باعدارلاما ۇيىمداستىردى.

سۋرەت: شارا ۇيىمداستىرۋشىلارىنان الىندى.

ءوز كەزەگىندە ارداگەر ۇستازدار جىلى لەبىزدەرىن ءبىلدىرىپ، ءوز ءومىر جولدارىنان ەستەلىكتەر ايتىپ، جاس ماماندارعا جۇرەكجاردى تىلەكتەرىن ارنادى.

بۇل شارا – ۇستاز ماماندىعىنىڭ قادىر-قاسيەتىن ارتتىرۋعا، الدىڭعى بۋىن مەن كەيىنگى ۇرپاق اراسىنداعى بايلانىستى نىعايتۋعا باعىتتالعان يگى باستاما بولدى.

Abai.kz