Қырғызстан билігі электр энергиясының жетіспеушілігінен туған дағдарысқа байланысты «түнгі тыныштық» режиміне көшті. Бұл туралы «Usbanov ARNASY» телеграм арнасы жазды.

Ел үкіметі арнайы заң әзірлеп, бекітті. Ол бойынша: елдегі барлық ойын-сауық нысандары, клубтар, мейрамханалар, асханалар, спорттық нысандар, боулинг, бильярд т.б. коммерциялық нысандар жұмысын 22:00-де тоқтатуы тиіс. Ал 22:10-да барлық жарық сөндірілуі керек. Сондай-ақ, 22:00-ден кейін той тойлауға да тыйым салынды.

Қырғыз ҰҚҚ басшысы Қамшыбек Ташиев барлық жергілікті әкімияттарға қатаң тапсырма беріп, 22:00 мен 07:00 аралығындағы тыныштық режимінің сақталуын бақылауды тапсырды. Қазірдің өзінде Қырғыздың шағын және орта бизнесі бұл қатаң шараларға наразылықтарын білдіруде.

Abai.kz