«Қазмырыштағы» жарылыс: Тағы бір адам қайтыс болды
Өскемендегі «Қазмырыш» зауытындағы жарылыстан зардап шеккен тағы бір адам қайтыс болды.
Бұл қаралы хабарды компания өкілдері мәлімдеді. «Қазмырыштың» ақпараты бойынша, жарылыс кезінде зардап шеккен жұмысшылардың бірі көз жұмды.
«Марқұмның туған-туыстары мен жақындарына көңіл айтамыз. Компания қаза тапқан қызметкердің жақындарына және барлық қызметкерлерімізге қажетті қолдау көрсетіп жатыр», — деп хабарлады «Қазмырыш».
Кәсіпорын өкілдері Өскемендегі металлургиялық кешеннің мырыш және қорғасын зауыттарында қуаттылықтың уақытша төмендеуімен жұмыс істеп жатқанын атап өтті.
Abai.kz
