Кремльдің ең үлкен дилеммасы

Украина Қарулы Күштерінің соңғы соққылары Кремльді өте ауыр таңдау алдында қалдырды. Белгілі әскери сарапшы Мик Райанның талдауына сүйенсек, майдандағы жағдай түбегейлі өзгеріп, соғыс жаңа сипатқа көшкен.

«Crimean Switch Off» немесе Крымды жарықсыз қоршау

Украина қазір Крым түбегін Ресейден толықтай оқшаулауға бағытталған «Crimean Switch Off» («Крымды өшіру») кампаниясын белсенді жүргізуде:

• Энергетикалық соққы: Шілде айының басында Крымның басты 50-ден астам энергетикалық торабы, соның ішінде Кубань-Крым энергокөпірі мен Сакская ТЭЦ істен шықты. Түбек жарықсыз және қуатсыз қалу алдында тұр.
• Логистиканың күйреуі: Чонгар көпіріне жасалған соққылардан кейін ресейлік әскери жүктерді тасымалдау іс жүзінде тоқтады.
• Азов теңізіндегі «жою» операциясы: Украина дрондары ресейлік «көлеңкелі флоттың» ондаған танкерлерін өртеп жіберді. Ресей тіпті өз жағалауындағы кемелердің қауіпсіздігін қамтамасыз ете алмай отыр.

Әуе қорғанысы (ПВО) жүйесінің тапшылығы

Ең басты интрига — Ресейдің әуе қорғанысы жүйесі енді Крымды да, Ресейдің өз ішіндегі өндірістік аймақтарды да бірдей қорғай алмайды. Украина дрондарының радиусы Батыс Сібірге (мысалы, Омбы қаласына) дейін жеткен.

Кремльдің бас ауруы: Егер Путин ӘШҚ жүйелерін Крымда қалдырса — Ресейдің ішіндегі мұнай өңдеу зауыттары мен әскери зауыттар өртенеді. Ал егер ПВО-ны Ресейді қорғауға әкетсе — Крым толықтай Украинаның бақылауына өтеді.

Майдандағы жаңа тактика: Танктер дәуірі аяқталды ма?

Мик Райанның айтуынша, соғыс тактикасы танымастай өзгерген. Қазір ауыр броньды техникалардың орнын жеңіл жаяу әскер мен дрондар басқан. Жауынгерлер тек оқ-дәрі мен медициналық қоржынмен ғана жүреді, ал оларды қарумен және азық-құдықпен қамтамасыз ету, тіпті отпен қолдау көрсету 90% дрондар арқылы жүзеге асырылады. Осының салдарынан Ресей әскерінің алға жылжу қарқыны тәулігіне бірнеше ондаған метрден аспай қалды.

Дегенмен, Украинаның да осал тұсы бар: баллистикалық зымырандарға қарсы «Patriot» сияқты кешендердің снарядтары тапшы. Бұл соғыстың әлі де созылатынын көрсетеді.

Abai.kz