Астанадағы Шара Жиенқұлова көшесінде тандыр самса дайындайтын дәмханада газ-ауа қоспасының жарылысы болды. Оқиға базар аумағындағы екі қабатты әкімшілік ғимаратта болған.

Төтенше жағдайлар департаментінің алдын ала мәліметінше, оқиғаға көлемі 50 литр болатын композитті газ баллонының герметикалығының бұзылуы себеп болған.

Дәрігерлердің мәліметінше, оқиғадан төрт адам зардап шеккен. Олардың екеуі №1 көпсалалы қалалық ауруханаға жатқызылды, бір науқасқа амбулаториялық бақылаумен үйіне қайтуға рұқсат берілді.

Тағы бір зардап шегуші №2 көпсалалы балалар ауруханасына жеткізілді, - деп мәлімдеді елорданың Қоғамдық денсаулық сақтау басқармасы. 

Қазіргі уақытта барлық науқасқа қажетті медициналық көмек көрсетіліп жатыр.

Abai.kz