Бүгін Украина шығысындағы  Донецк пен Луганск облыстарында  территориялық тәуелсіздік мәртебесін  шешу үшін  референдум өтіп жатыр. Ресей БАҚ-тарының сеператистерге сілтеме жасап тартқан ақпараттарында  «Донецк халық республикасы" және "Луганск халық республикасы" деп аталмақ аймақтарда мыңдаған сайлау учаскесі ашылып, миллиондаған бюллетень басып шығарылған. Алайда «Азаттық радиосының» жазуынша аймақта шетелдік бақылаушылар жоқ болғандықтан бұл ақпарат тәуелсіз дереккөздер тарапынан қуатталмайды. Референдум басталмастан АҚШ мемлекеттік департаментінің өкілі Джен Псаки «АҚШ Украина шығысындағы  "заңсыз өткізілетін референдум" нәтижелерін мойындамайды», - деп мәлімдеді. Украина билігі мен батыс елдері де  "халықаралық заңнамаларды және Украинаның территориялық тұтастығын бұзатын" референдумды мойындамайтындарын жариялады.

Абай-ақпарат