Бүгін оңтүстік Америкадағы француздық Гвиаданадағы "Куру" ғарыш айлағынан Астана уақытымен сағат 7:35-те ұшырылады деп жоспарланған  «KazEOSat-1» ауа райы қолайсыздығы салдарынан көкке көтерілмеді.  Аталмыш спутник қазақстандық геология саласына жұмыс істеуі тиіс. Жер бедері мен ғаламшар климатын зерттеуге арналған Қазақстандық тұңғыш жер серігін ұшыруға француздық Arianspace компаниясыны жауапты болған. «ҚазАқпараттың» мәлімдеуінше күшті жел салдарынан ұшпай қалған жер серігі әзірге бір тәулікке шегерілген. Кеше ғана «Байқоңыр» ғарыш айлағынан Қазақстандық телекоммуникацияға жұмыс істейтін «ҚазСат-3» спутнигі ұшырылды. «Протон-М» зымыраны арқылы көкке көтерілген спутник кеңістікке сәтті шығарылды. Сондай-ақ кеше «Қазақстан ғарыш» агенттігінің төрағасы Еркін Ешмағамбетов «ҚазСат-4»тің жобасын таныстырды.

Абай-ақпарат