"ДОНЕЦК РЕСПУБЛИКАСЫ" ПУТИННЕН "КӨМЕК" КҮТІП ОТЫР
ИТАР-ТАСС агенттігінің хабарлауынша, Украинаның Донецк облысында облыстық әкімшілік ғимаратын басып алған ресейшіл күштер аймақты "Донецк халықтық республикасы" деп жариялаған.
Мұндай шешімді Донецк облыстық кеңесі қабылдаған көрінеді. Олардың пікірінше, егер өздеріне Украина тарапынан қысым көрсетілсе, Путиндік Ресей қарап тұрмайды. Тіпті, арнайы әскер кіргізу үшін Ресейден көмек те сұрап қойыпты.
Естеріңізде болса, Қырымдағы өзгерістер дәл осы сценарий бойынша өрбіген болатын. Ендігі кезек Шығыс Украинаға келген сияқты.
Абай-ақпарат
