Қазақстанның мемлекет және қоғам қайраткері, тәуелсіздік алғаннан кейінгі жылдарда бірқатар министрліктерде министр қызметін атқарған Алтынбек Сәрсенбайұлы тірі болса 12 қыркүйекте 52 жасқа толар еді. 2006 жылы 11 ақпанда қастандықпен өлтірілген қайраткердің туған күніне орай «Алтынбек Сәрсенбайұлы қоғамдық қоры» еске алу рәсімін өткізбекші. Бағдарлама аясында төмендегідей іс-шаралар ұйымдастырылады:

12 қыркүйек, жұма (11:00-де) 
«Кеңсай-2» зиратына барып, Алтынбек Сәрсенбайұлының аруағына тәу ету. 
13 қыркүйек, сенбі (9-30-дан – 14-00-ге дейін)
– «Просвещенец» шипажайы – «Құмбел» шатқалы бағытымен тауға шығып, «Алтынбек жолымен» жүріп өту.
Жиналу орны мен уақыты: «Қазақстан» қонақүйінің қарама-қарсысындағы субұрқақ (фонтан) маңында басқосу (Достық даңғылы мен Құрманғазы көшесінің қиылысы); сағат 09:00-дан кешікпей автобус тау жаққа қарай бет алады. 
13 қыркүйек (басталуы сағат 10:00) – бильярд ойыны бойынша Алтынбек Сәрсенбайұлы атындағы дәстүрлі турнир.
Мекені: Алматы қаласы, Шағабуддинов көшесі, 109 «А», Қарасай батыр және Бөгенбай батыр көшелерінің ортасында, «Бастау» бильярд клубы.
Анықтама үшін 87019998222.

Абай-ақпарат