قازاقستاننىڭ مەملەكەت جانە قوعام قايراتكەرى، تاۋەلسىزدىك العاننان كەيىنگى جىلداردا بىرقاتار مينيسترلىكتەردە مينيستر قىزمەتىن اتقارعان التىنبەك سارسەنبايۇلى ءتىرى بولسا 12 قىركۇيەكتە 52 جاسقا تولار ەدى. 2006 جىلى 11 اقپاندا قاستاندىقپەن ولتىرىلگەن قايراتكەردىڭ تۋعان كۇنىنە وراي «التىنبەك سارسەنبايۇلى قوعامدىق قورى» ەسكە الۋ ءراسىمىن وتكىزبەكشى. باعدارلاما اياسىندا تومەندەگىدەي ءىس-شارالار ۇيىمداستىرىلادى:

12 قىركۇيەك، جۇما (11:00-دە) 
«كەڭساي-2» زيراتىنا بارىپ، التىنبەك سارسەنبايۇلىنىڭ ارۋاعىنا ءتاۋ ەتۋ. 
13 قىركۇيەك، سەنبى (9-30-دان – 14-00-گە دەيىن)
– «پروسۆەششەنەتس» شيپاجايى – «قۇمبەل» شاتقالى باعىتىمەن تاۋعا شىعىپ، «التىنبەك جولىمەن» ءجۇرىپ ءوتۋ.
جينالۋ ورنى مەن ۋاقىتى: «قازاقستان» قوناقۇيىنىڭ قاراما-قارسىسىنداعى سۋبۇرقاق (فونتان) ماڭىندا باسقوسۋ (دوستىق داڭعىلى مەن قۇرمانعازى كوشەسىنىڭ قيىلىسى); ساعات 09:00-دان كەشىكپەي اۆتوبۋس تاۋ جاققا قاراي بەت الادى. 
13 قىركۇيەك (باستالۋى ساعات 10:00) – بيليارد ويىنى بويىنشا التىنبەك سارسەنبايۇلى اتىنداعى ءداستۇرلى تۋرنير.
مەكەنى: الماتى قالاسى، شاعابۋددينوۆ كوشەسى، 109 «ا»، قاراساي باتىر جانە بوگەنباي باتىر كوشەلەرىنىڭ ورتاسىندا، «باستاۋ» بيليارد كلۋبى.
انىقتاما ءۇشىن 87019998222.

اباي-اقپارات