Украинаның оңтүстік-шығысындағы әскери қақтығыстардан бас сауғалағандардың бір тобы (жиыны 20 адам) Таразға келді.   Бұл туралы жергілікті "Новый Регион" басылымы хабарлайды. 

Донбас қаласын Тәуелсіз мемлекеттің орталығы жасауға ұмтылған жікшілдер  мен Украина әскерилерінің арасындағы қақтығыс шиеленісе түскен маусым айынан бері Украинаның оңтүстік-шығысынан шыққан босқындардың қарасы көбеюде.  РФ көші-қон қызметі   бүгінге дейін Ресейге Украинадан 500 мыңға жуық тұрғын қоныс аударды деп отыр. Олардың 90%-ы туыстары мен таныстарының үйінде тұрып жатқан көрінеді. Ал, Украинадан ауып Қазақстанды паналап бастаған босқындар туралы елімізде бірде бір ресми орган нақты мәлімет жариялаған жоқ. Айтпақшы, 12 шілде күні Премьер-министр Кәрім Мәсімов Тараз қаласында шағын қалаларды дамыту мен миграция мәселесі жөнінде жиын өткізді. Жиынға баспасөз өкілдері қатыстырылмады.

Жамбыл облысына келіп жатқан босқындардың арасында    сириялық Әлмұхаммед Свейда-Айеш Хасан деген азамат та бар.

Абай-ақпарат