ۋكراينانىڭ وڭتۇستىك-شىعىسىنداعى اسكەري قاقتىعىستاردان باس ساۋعالاعانداردىڭ ءبىر توبى (جيىنى 20 ادام) تارازعا كەلدى.   بۇل تۋرالى جەرگىلىكتى "نوۆىي رەگيون" باسىلىمى حابارلايدى. 

دونباس قالاسىن تاۋەلسىز مەملەكەتتىڭ ورتالىعى جاساۋعا ۇمتىلعان جىكشىلدەر  مەن ۋكراينا اسكەريلەرىنىڭ اراسىنداعى قاقتىعىس شيەلەنىسە تۇسكەن ماۋسىم ايىنان بەرى ۋكراينانىڭ وڭتۇستىك-شىعىسىنان شىققان بوسقىنداردىڭ قاراسى كوبەيۋدە.  رف كوشى-قون قىزمەتى   بۇگىنگە دەيىن رەسەيگە ۋكراينادان 500 مىڭعا جۋىق تۇرعىن قونىس اۋداردى دەپ وتىر. ولاردىڭ 90%-ى تۋىستارى مەن تانىستارىنىڭ ۇيىندە تۇرىپ جاتقان كورىنەدى. ال، ۋكراينادان اۋىپ قازاقستاندى پانالاپ باستاعان بوسقىندار تۋرالى ەلىمىزدە بىردە ءبىر رەسمي ورگان ناقتى مالىمەت جاريالاعان جوق. ايتپاقشى، 12 شىلدە كۇنى پرەمەر-مينيستر كارىم ءماسىموۆ تاراز قالاسىندا شاعىن قالالاردى دامىتۋ مەن ميگراتسيا ماسەلەسى جونىندە جيىن وتكىزدى. جيىنعا ءباسپاسوز وكىلدەرى قاتىستىرىلمادى.

جامبىل وبلىسىنا كەلىپ جاتقان بوسقىنداردىڭ اراسىندا    سيريالىق المۇحاممەد سۆەيدا-ايەش حاسان دەگەن ازامات تا بار.

اباي-اقپارات