Мысыр Үкіметі толық құрамда отставкаға кетті. Мұндай шешім Ибрагим Махляб басқарған министрлер кабинетінің 3,5 айлық жұмысының қорытынды отырысынан кейін қабылданды, деп хабарлайды ҚазАқпарат агенттігі 24.kz. арнасына сілтеме жасап.

Сондай-ақ орнынан кетіп жатқан Премьер-Министр Ибрагим Махлябқа жаңа Үкіметті жасақтау тапсырылған. Естеріңізге сала кетейік, жаңадан сайланған Президент Әбдел Фаттах Ас-Сиси 8 маусымда өз міндетіне кірісті. Ел конституциясы бойынша, осы рәсімнен кейін атқарушы билік отставкаға кету туралы өтініш жазуы тиіс болатын. Ас-Сисидің өзі Махляб басқарған Үкімет құрамында бірнеше апта Қорғаныс министрі болып жұмыс істеді. Сарапшылардың пайымынша, өзін жақсы қырынан көрсетіп үлгерген Махляб Үкімет басшысы ретінде өз орнына қайта отыруы мүмкін.

Абай-ақпарат