Жұма, 29 Наурыз 2024
Билік 5421 0 пікір 13 Қаңтар, 2015 сағат 11:45

«АҚ ЖАУЫН» - КҮЙ ӨНЕРІНІҢ НАСИХАТШЫСЫ

Күй – өміршең өнердің бірі һәм бірегейі. Бабаларымыздың ұрпақтан-ұрпаққа қастерлеп жеткізген төл мұрасын кеңінен насихаттау, бүгінгі буынның санасына сіңіру бағытында «Ақ жауын» мемлекеттік камералық оркестрінің атқарып отырған еңбегі – зор.

Мемлекет басшысы Нұрсұлтан Назарбаевтың биылғы жылы қасиетті өлке – Ұлытау топырағында берген сұхбатында да,  Қазақстан халқына арнаған «Нұрлы жол – болашаққа бастар жол» жолдауында да уақыттан еш ұтылуға болмайтынын, ең бастысы, осынау жаһандану заманында әр ұлт өз бояуын сақтап қалуға тырысу керектігін аңғартқан болатын. Ал халықтың ұлттық бояуын, қадір-қасиетін сақтаудың бірден-бір жолы, ол – әр қазақ өз ана тілінде сусындап, тамыры тереңге тартқан мәдениетінен нәр алуы тиіс. Міне, осы тұрғыдан келгенде аталмыш оркестр ұжымы тарихы тереңде жатқан күй өнерін насихаттаумен келеді.

«Қазақстанда қалыптасқан бейбітшілік пен бірлікті әр қазақ көзінің қарашығындай сақтауға ат салысуы қажет. Бұл жолда барлық қазақстандықтарды біріктіретін қайнар көз, ол – қазақтың мәдениеті, төл өнері десек, артық болмас. Сондай бірлікке бастайтын, ел рухын көтеретін шараларға «Ақ жауын» мемлекеттік камералық оркестрі үнемі ат салысып келеді. Аталмыш ұжымда Қазақстанның еңбек сіңірген әртістері мен мәдениет саласына еңбек сіңірген қайраткерлері Рамазан Стамғазиев, Абай Әбішев, Дәлел Уашев, Клара Төленбаева, Гулмира Сарина, Ерлан Рысқали, Айгүл Үлкенбаева сында өнер майталмандары өнер көрсетеді. Сондай-ақ, «Наз» би театрының да халықты тамсандырған өнерін ерекше атап өткен жөн», - дейді «Ақ жауын» оскестрінің директоры Ерлан Дәкенов. 

Былтыр аталмыш ұжым еліміздің батыс өңірінде болып біршама қалалар мен аудандарда шығармашылық кештерін өткізіп, күй өнерінен тамаша тарту жасап қайтқан болатын. «Биыл да дәстүрге сай, Мемлекеттік камералық оркестр алдағы жылы республикамыздың түпкір-түпкіріне гастролдік сапармен барып, шығармашылық кештер өткізуді жоспарлап отыр», - дейді Е.Дәкенов.

Ботагөз Бағдәулет.

Астана.

Абай.kz 

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1583
Алашорда

Қожанов межелеу науқанында (Жалғасы)

Бейбіт Қойшыбаев 2283
Ғибырат

Қайсар рухты ғазиз жан

Мұхтар Құл-Мұхаммед 3620