ЕРЛАН АРЫН 5 ЖЫЛҒА СОТТАЛУЫ МҮМКІН
Павлодар облыстық ауданаралық мамандандырылған сотында қаралып жатқан экс-әкім Ерлан Арынның ісіне қатысты мемлекеттік айыптаушы оны бес жылға бас бостандығынан айырып, жазасын қатаң тәртіптегі колонияда өтеуге соттауды сұрады.
- Сотталушының кәмелетке толмаған балалардың әкесі болуын, ел және жас буын өкілдері алдындағы еңбегі мен денсаулық жағдайын ескере отырып, жазасын өтеу үшін бес жылға бас бостандығынан айыруды сұраймын. Сонымен қатар мүлкін тәркілеп, мемлекеттік қызметті атқарудан жеті жылға дейін шеттетуді талап етемін, - деді мемлекеттік айыптаушы Радимхан Дубаева.
