Көктемде қызыл су шайып кетіп, қасірет орын ала жаздаған Қарағанды облысындағы Көкпекті кентінің әкімі... көлік жүргізу құқығынсыз қалды. Мамандандырылған әкімшілік сот жол ережесін өрескел бұзған Бақытжан Смайловты бір жылға жүргізуші куәлігінен айырды.

Оқиға былай болған: облыс орталығында өтетін баспасөз мәслихатына асығып келе жатқан әкім, тасбақа аяңмен жүріп келе жатқан жүк көлігін басып озбақ болғанда қарсы бағытқа шығып кеткен. Қас қылғанда, таяу маңнан табыла кеткен жол- патрульдік полициясының инспекторлары әкімнің қызметтік куәлігіне қарамастан хаттама толтырып жіберіпті.

«Мен журналистермен кездесуге асығып келе жаттым, айбым жеке көлігіммен жол бермеген көлікті басып озғаным... » деп ақталады Смайлов. Әділ сот бәрібір әкімге аяушылық танытпады, ол Үсенов емес қой...

Abai.kz