كوكتەمدە قىزىل سۋ شايىپ كەتىپ، قاسىرەت ورىن الا جازداعان قاراعاندى وبلىسىنداعى كوكپەكتى كەنتىنىڭ اكىمى... كولىك جۇرگىزۋ قۇقىعىنسىز قالدى. مامانداندىرىلعان اكىمشىلىك سوت جول ەرەجەسىن ورەسكەل بۇزعان باقىتجان سمايلوۆتى ءبىر جىلعا جۇرگىزۋشى كۋالىگىنەن ايىردى.

وقيعا بىلاي بولعان: وبلىس ورتالىعىندا وتەتىن ءباسپاسوز ءماسليحاتىنا اسىعىپ كەلە جاتقان اكىم، تاسباقا اياڭمەن ءجۇرىپ كەلە جاتقان جۇك كولىگىن باسىپ وزباق بولعاندا قارسى باعىتقا شىعىپ كەتكەن. قاس قىلعاندا، تاياۋ ماڭنان تابىلا كەتكەن جول- پاترۋلدىك پوليتسياسىنىڭ ينسپەكتورلارى اكىمنىڭ قىزمەتتىك كۋالىگىنە قاراماستان حاتتاما تولتىرىپ جىبەرىپتى.

«مەن جۋرناليستەرمەن كەزدەسۋگە اسىعىپ كەلە جاتتىم، ايبىم جەكە كولىگىممەن جول بەرمەگەن كولىكتى باسىپ وزعانىم... » دەپ اقتالادى سمايلوۆ. ءادىل سوت ءبارىبىر اكىمگە اياۋشىلىق تانىتپادى، ول ۇسەنوۆ ەمەس قوي...

Abai.kz