Бүгін Парламент Мәжілісінің жалпы отырысында палата депутаттары «Қазақстан Республикасы мен Ресей Федерациясы арасындағы Қазақстан Республикасы азаматтарының Ресей Федерациясының аумағында және Ресей Федерациясы азаматтарының Қазақстан Республикасының аумағында болу тәртібі туралы келісімді ратификациялау туралы» заң жобасын  мақұлдады.

ҚазАқпараттың хабарына сай, жасалған келісімге сәйкес, екі ел азаматтары басқа елге келгенде құзыретті органдарда міндетті тіркеусіз отыз күн ішінде болуын қамтамасыз етеді. Яғни, тараптар аумағында Қазақстан мен Ресей азаматтарының болу тәртібі жеңілдеген. Мәжіліс мақұлдаған құжат Парламент Сенатына жолданады.

Абай-ақпарат