АҚШ Қазақстанның Дүниежүзілік сауда ұйымына кіруін қолдайды, деп мәлімдеді дүйсенбі күні Нью-Йорктегі Қазақстанның Сыртқы істер министрі Ерлан Ыдырысовпен кездесу қорытындысы бойынша АҚШ мемлекеттік хатшысы Джон Керри. Бұл туралы Қазақпарат хабарлады.
Джон Керри сондай-ақ АҚШ-тың "Қазақстанның  егемендігін, аумақтық тұтастығы мен әлемдік аренада өсіп келе жатқан көшбасшылық рөлін " қолдайтынын айтқан.

Ыдырысов Джон Керриге өзіне ыңғайлы уақытта Қазақстанға сапар шегуге ресми шақыруды табыстап, жалпы америкалық тарапты Астанада өтетін ЭКСПО-2017 халықаралық мамандандырылған көрмеге қатысуға шақырды.

Кездесу БҰҰ Бас ассамблеясы алаңында өтті.

Абай-ақпарат