ҮНДІСТАНДА ҮШ КӨЗДІ БҰЗАУ ТУЫЛДЫ
Үндістанның оңтүстігіндегі Тамил-Наду штатында таңғажайып оқиға орын алды. Бұл туралы ҚазАқпарат жазды.
Мегхала есімді фермердің шаруашылығында үш көзді бұзау туған. Ірі қара иесі мұны «Құдайдың сыйы» деп есептейді. Үй жануары жергілікті жұрттың ыстық ықыласы мен ерекше назарына бөленуде екен. Фермер бұл бұзауды үш көзді құдайдың құрметіне Шива деп атаған көрінеді. Шива Үндістандағы өнер мен йоганың қамқоршы құдайы деп есептеледі. Күн сайын жүздеген адам бұзауға қол ұшын тигізу үшін Мегхалаға келеді. Олардың пайымынша, бұл жануарға қол тигізу сәттілік әкеледі.
