Жексенбі, 14 Тамыз 2022
Билік 6197 0 пікір 28 Тамыз, 2015 сағат 14:04

ТҮРКІСТАН МЕН КЕНТАУДА ЖАҢА ИНДУСТРИАЛДЫ НЫСАНДАР БОЙ КӨТЕРУДЕ

Индустриаландыру бағдарламасы аясында Түркістан мен Кентау қалаларында жаңа 15 нысан іске қосылады. Бұл жайында ОҚО әкімі Бейбіт Атамқұлов аталған аймақтардағы индустриалды аймақтарға жасаған сапары барысында айтты.

Өңір басшысы Түркістан қаласындағы индустриалды аймаққа ат басын бұрып, атқарылып жатқан жұмыстармен танысты. Бұған дейін бірнеше рет сынға іліккен нысан жұмысын тексерген Бейбіт Бәкірұлы оған оң баға беріп отыр. Жалпы аумағы 40 гектарды құрайтын аймақта барлығы 8 кәсіпорын бой көтереді. Жыл соңына дейін олардың екеуінің құырылысы аяқталса, тағы үшеуінің іргетасы қаланады. Зауыттардың барлығы дерлік құрылыс материалдарын шығарумен айналысады. Аталған кәсіпорындар 335 жуық адамды жұмыспен қамтиды.

Облыс әкімі құрылыс жұмыстарының мезгілінен ауытқымай, уақытылы аяқталуы үшін жергілікті билік өкілдеріне нақты тапсырмалар берді.

Мұнан кейін Б.Бәкірұлы Кентаудағы индустриалды аймақта болып, атқарылып жатқан жұмыстармен танысты. Жалпы аумағы 25 гектарды құрайтын нысанда 7 жоба жүзеге асырылады. Олардың үшеуі қаладағы трансфарматор зауытына қажетті қосалқы бөлшектерді шығарумен айналыспақ. Жобаларды іске асыру үшін барлығы 2 млрд 127 млн теңге инвестиция тартылады және 165 жаңа жұмыс орны ашылмақ. Сондай-ақ, индустриалды аймақ қажетті инфрақұрылымның барлығымен қамтылады.

Сапар соңында өңір басшысы аталған индустриалды аймақтарды жаңа кәсіпорындармен толықтыру үшін Түркістан мен Кентау әкімдеріне инвесторлар тартуды тапсырды.

Abai.kz

0 пікір

Үздік материалдар

Алашорда

Алаш-арман

Бейбіт Қойшыбаев  2283
Білгенге маржан

Хилда Хукхэм және Ұлы қолбасшылар

Бейсенғазы Ұлықбек 2052
Әдебиет

Түс

Ерғали Бақаш 1735
Әне, көрдің бе?

Архимед кімді қорғаштайды?

Жайберген Болатов 2788