Өрікгүл Әділбекова РФ Президенті Владимир Путинге арнап мадақ ән жазды. Әнді нотаға түсіріп, өңдеген Шәміл Әбілтаев. Ш. Әбілтаев Ө. Әділбекованың күйеуі. Бір бірін студент кезінде тапқан өнерлі отбасы. Ш. Әбілтаев күйші, сазгер. Ол алдыңғы жылдарыҚазақстан президенті Нұрсұлтан Назарбаевқа арнап «Азаттық асуы» әні мен «Қазақстан – Нұрсұлтан» күйін шығарып, Назарбаевтың сөзіне «Шұбарат» әнін жазған болатын. Әбілтаевтың сөзіне қарағанда, әйелі шығарған "Ол - Владимир баласы" атты ән өзіне қатты ұнаған. Композиторлар отбасы мадақ ән РФ Президентіне жеткенін айтады. Енді олар осы ән ВВП-нің алдында шырқалса деген тілекте жүр. Аталған ән  Қазақ гимнін орындайтын әнші Талағат Күзенбаевтың дауысымен таспаға жазылған. Әнші де "Ол - Владимир баласын" Путиннің алдында тербелтсем деген арманда екенін жасырмайды.