КӨШІ-ҚОН ЗАҢНАМАСЫН БҰЗҒАН 13 ӨЗБЕКСТАНДЫҚ ҰСТАЛДЫ
Сарыағаш отрядының шекара наряды (Оңтүстік Қазақстан облысы, қазақ-өзбек шекарасы), көршілес елге өтпек болған Өзбекстан Республикасының 13 азаматын ұстады, деп хабарлайды BNews.kz.
Шекаралық тексеру кезінде ұсталғандардың барлығы елімізде болу, жүріп-тұру тәртібін бұзғандығы анықталды.
«ҚР Әкімшілік-құқықбұзушылық кодексінің 517 бабына сәйкес Өзбекстан азаматтары Оңтүстік Қазақстан облысы Сарыағаш аудандық сотының үкімімен әкімшілік жауапкершілікке тартылды», - делінген ҚР ҰҚК ШҚ баспасөз қызметі таратқан мәліметте.
Абай-ақпарат
