Ресей президенті Владимир Путин мен АҚШ басшысы Барак Обама телефон арқылы әлемде белең алған лаңкестікпен күрес мәселесі төңірегінде әңгімелескен. Бұл туралы Ресей президентінің баспасөз хатшысы Дмитрий Песков мәліметіне сүйеніп Bnews.kz жазды.

«Екі елдің басшылары ең бірінші кезекте екі ел арасындағы қарым-қатынасты талқылады. Сонан соң әлемде белең алған лаңкестікпен күрес жайы, әсіресе, ИСИМ-нің Таяу Шығыстағы ықпалын жоюға қатысты әңгіме өрбітті. Путин мен Обама РФ Сыртқы істер министрі Сергей Лавров пен АҚШ Мемлекеттік хатшысы Джон Керриге осы мәселелерді талқылау үшін тапсырма беруге келісті», - дейді Д.Песков.

Президенттер бұнымен қатар, РФ СІМ министрінің орынбасары Григорий Карасин мен АҚШ Мемлекеттік хатшысының көмекшісі Виктория Нуландқа таяу уақытта Минскідегі келісімдердің іске асырылу барысын талқылауды тапсыратынын айтқан.

Абай-ақпарат