ЛАТВИЯ РЕСЕЙМЕН АРАДАҒЫ ШЕКАРАҒА ҚОРҒАН САЛМАҚ
Латвия Ресеймен арадағы 270 шақырым жерді алып жатқан шекараға заңсыз мигранттарды өткізбеу үшін қорған салмақшы.
Латвия ішкі істер министрлігі өкілінің сөзінше, қорғанның ұзындығы 90 километр болады. Ол сезімталдығы жоғары сенсормен жабдықталады екен.
Бұл төрт жылға арналған Ресей мен Латвия шекарасын нақты бөлетін 20 миллиардтық жобаның тек бір бөлігі ғана. Үстіміздегі жылы Ресейден Латвияға үш жүзге тарта мигрант заңсыз келген. Олардың көбі – Вьетнам, Ирак және Сирия елдерінің азаматтары.Жоба негізінен бұрыннан жоспарланған. Бірақ қазірде мигранттардың Еуропаға үдеуіне байланысты құрылысты тездетуге кірістік дейді Латвия билігі.
