لاتۆيا رەسەيمەن اراداعى شەكاراعا قورعان سالماق
لاتۆيا رەسەيمەن اراداعى 270 شاقىرىم جەردى الىپ جاتقان شەكاراعا زاڭسىز ميگرانتتاردى وتكىزبەۋ ءۇشىن قورعان سالماقشى.
لاتۆيا ىشكى ىستەر مينيسترلىگى وكىلىنىڭ سوزىنشە، قورعاننىڭ ۇزىندىعى 90 كيلومەتر بولادى. ول سەزىمتالدىعى جوعارى سەنسورمەن جابدىقتالادى ەكەن.
بۇل ءتورت جىلعا ارنالعان رەسەي مەن لاتۆيا شەكاراسىن ناقتى بولەتىن 20 ميللياردتىق جوبانىڭ تەك ءبىر بولىگى عانا. ۇستىمىزدەگى جىلى رەسەيدەن لاتۆياعا ءۇش جۇزگە تارتا ميگرانت زاڭسىز كەلگەن. ولاردىڭ كوبى – ۆەتنام، يراك جانە سيريا ەلدەرىنىڭ ازاماتتارى.جوبا نەگىزىنەن بۇرىننان جوسپارلانعان. بىراق قازىردە ميگرانتتاردىڭ ەۋروپاعا ۇدەۋىنە بايلانىستى قۇرىلىستى تەزدەتۋگە كىرىستىك دەيدى لاتۆيا بيلىگى.
