Автобус іші. Аялдамадан сұңғақ бойлы жігіт мінді. Қара пальтоға үйлесе кеткен заманауи бас киім, қара көзілдірік, қара былгары колғабты жігітке қарсы орындықтағы қыз көзінің астымен қарап қойды.

Сымдай тартылған сұңғыла бойға жарасқан тамаша талғамның ар жағын сұлу ой мекен етіп, өткір қара көзде жасын ойнап, қақпақтай жауырынның ар жағында жігіттік жігер жасырынып тұрғандай көрінді...

Автобус бұрыла бергенде әлгі жігіттің белі оқыс бұраң етіп құлай жаздап "мамочки" деп шәңк етті де, аялдамадан түскен атаның орнына отыруға оқталған жол сөмкелі егде әйелді қағып барып, былш етіп отыра қалды. Сымдай тартылған сұңғыла бойлы жігіт көз алдымда аласарып кеткені... Қымбат кейіпті, арзан адамға алданбайықшы, құрысын!

Құралай Сейсенбекқызы

Facebook-тегі парақшасынан