Бұл жөнінде министр дүйсенбі күні Душанбеде журналистерге хабарлады. Оның айтуынша, «Жамаат Ансарулла» тобына жетекшілік еткен Амриддин Таббаров өткен жылдың шілде айында ауғандық әскери күштер жүргізген операция кезінде қайтыс болған. Ол сонымен бірге молда Амриддин ретінде танымал. 1992-1997 жылдардағы Тәжікстандағы азаматтық соғыс кезінде үкіметке қарсы күштерді басқарған.

1990 жылдардың соңында Таббаров «Өзбекстанның ислам қозғалысы» ұйымына кіріп, Ауғанстанда соғысқан. Кейін ауғандық талибтер биліктен шеттетілгеннен кейін, Пәкістанға көшеді. 2010 жылы ол «Жамаат Ансарулла» ұйымының негізін қалайды. «Әл-Каидамен» тығыз байланыс орнатады. Оның кейбір мүшелері «Ислам мемлекеті» террористік ұйымына кіріп, ант қабылдап, Сирия мен Иракта соғысып жүр.

2012 жылы «Жамаат Ансарулла» ұйымын террористік топтардың тізіміне енгізеді. Оның қызметі Тәжікстанда тыйым салынған. Өткен жылы Тәжікстанда аталған ұйымның ондаған мүшелерін түрмеге жапты.