بۇل جونىندە مينيستر دۇيسەنبى كۇنى دۋشانبەدە جۋرناليستەرگە حابارلادى. ونىڭ ايتۋىنشا، «جاماات انسارۋللا» توبىنا جەتەكشىلىك ەتكەن امريددين تابباروۆ وتكەن جىلدىڭ شىلدە ايىندا اۋعاندىق اسكەري كۇشتەر جۇرگىزگەن وپەراتسيا كەزىندە قايتىس بولعان. ول سونىمەن بىرگە مولدا امريددين رەتىندە تانىمال. 1992-1997 جىلدارداعى تاجىكستانداعى ازاماتتىق سوعىس كەزىندە ۇكىمەتكە قارسى كۇشتەردى باسقارعان.

1990 جىلداردىڭ سوڭىندا تابباروۆ «وزبەكستاننىڭ يسلام قوزعالىسى» ۇيىمىنا كىرىپ، اۋعانستاندا سوعىسقان. كەيىن اۋعاندىق تاليبتەر بيلىكتەن شەتتەتىلگەننەن كەيىن، پاكىستانعا كوشەدى. 2010 جىلى ول «جاماات انسارۋللا» ۇيىمىنىڭ نەگىزىن قالايدى. ء«ال-كايدامەن» تىعىز بايلانىس ورناتادى. ونىڭ كەيبىر مۇشەلەرى «يسلام مەملەكەتى» تەرروريستىك ۇيىمىنا كىرىپ، انت قابىلداپ، سيريا مەن يراكتا سوعىسىپ ءجۇر.

2012 جىلى «جاماات انسارۋللا» ۇيىمىن تەرروريستىك توپتاردىڭ تىزىمىنە ەنگىزەدى. ونىڭ قىزمەتى تاجىكستاندا تىيىم سالىنعان. وتكەن جىلى تاجىكستاندا اتالعان ۇيىمنىڭ ونداعان مۇشەلەرىن تۇرمەگە جاپتى.