Осылар осылай қаныңды iшедi ғой... Адам секiлдi мешiтке барғың келiп, барғың келiп, бара алмай, бара алмай барасың. Жүрегiм қарайып қалды-ау деп.

Жүзiң именiп келгенiңде, iшiнде жүрген бауырларың саған бiр оқшырая қарап алып, жаныңа үйiрсектеп келiп, ақырын-ақырын галстугыңды әңгiме қылады, тақпай-ақ қойғаның дұрыс, әнебiр пәлелер ойлап тапқан дүние дей ме... Әй, дәл осы мешiт не киiм-кешектi сөз ететiн жер ме едi? Менiң галстугымды мұсылмандар ойлап таппады екен деп, неге мен одан бас тартуым керек?! Әрине, саналы түрде бас тартар едiм. Егер оның адамзат баласына зиян келтiрiп жүргенiн бiлсем. Бұлай шектеу қойғыштар онда неге өздерi ұялы телефон, машина атаулыдан, пойыз бен ұшақтардан бас тартпайды екен? Таңғаламын.