ДАВОС: ТӨРТІНШІ ӨНЕРКӘСІП ТӨҢКЕРІСІ
Швейцарияның Давос қаласында бүгін Бүкілдүниежүзілік экономикалық форум басталады.
Биылғы жылдың басты тақырыптары ретінде дәстүрлі өнеркәсіптің сандық технологиялармен бірігуін білдіретін төртінші өнеркәсіп төңкерісі, шұғыл гуманитарлық көмек түйткілдерін шешу жолдары, оның ішінде босқындарға көмек пен мигранттардың жаппай көшуі секілді мәселелер аталады.
Бүкілдүниежүзілік экономикалық форум – әлемнің әр түкпіріндегі мыңдаған компания мен ұйымның басын біріктіретін, жыл сайын бизнес, саясат және қоғам қайраткерлерінің басын қосып, әлемнің өзекті мәселелерін талқылауды ұйымдастыратын швейцарлық үкіметтік емес ұйым.
Абай-ақпарат
