Өзбекстанда қоғамдық орындарда шылым шеккендер қаңтардың 1-нен бастап, ең төменгі жалақының үштен бірін құрайтын немесе «қара» базар бағамымен шамамен 8 АҚШ долларына тең айыппұл төлейтін болады.

Қоғамдық орындарда темекі тартқандарға айыппұл салу елде тұңғыш рет қолданылуда. Әкімшілік Кодекске енгізілген өзгерістерге желтоқсанның 29-да президент Ислам Каримов қол қойды. Ол желтоқсанның 30-нан бастап күшіне енді. Жаңа ереже бойынша, жұмыс орнында, денсаулық сақтау, білім беру, спорттық-сауықтыру мекемелерінде, өрт қаупі жоғары орындарда және өзге де көпшілік жерлерде темекі шеккендерге айыппұл салынады.

Қоғамдық орындарда шылым шегуге тыйым салатын заң Өзбекстанда 2012 жылдан бері бар, алайда заңмен бекітілген жаза түрі мен тиісті бақылаудың жоқтығынан бұл заң іс жүзінде  орындалмай келді.

Abai.kz