وزبەكستاندا قوعامدىق ورىنداردا شىلىم شەككەندەر قاڭتاردىڭ 1-نەن باستاپ، ەڭ تومەنگى جالاقىنىڭ ۇشتەن ءبىرىن قۇرايتىن نەمەسە «قارا» بازار باعامىمەن شامامەن 8 اقش دوللارىنا تەڭ ايىپپۇل تولەيتىن بولادى.

قوعامدىق ورىنداردا تەمەكى تارتقاندارعا ايىپپۇل سالۋ ەلدە تۇڭعىش رەت قولدانىلۋدا. اكىمشىلىك كودەكسكە ەنگىزىلگەن وزگەرىستەرگە جەلتوقساننىڭ 29-دا پرەزيدەنت يسلام كاريموۆ قول قويدى. ول جەلتوقساننىڭ 30-نان باستاپ كۇشىنە ەندى. جاڭا ەرەجە بويىنشا، جۇمىس ورنىندا، دەنساۋلىق ساقتاۋ، ءبىلىم بەرۋ، سپورتتىق-ساۋىقتىرۋ مەكەمەلەرىندە، ءورت قاۋپى جوعارى ورىنداردا جانە وزگە دە كوپشىلىك جەرلەردە تەمەكى شەككەندەرگە ايىپپۇل سالىنادى.

قوعامدىق ورىنداردا شىلىم شەگۋگە تىيىم سالاتىن زاڭ وزبەكستاندا 2012 جىلدان بەرى بار، الايدا زاڭمەن بەكىتىلگەن جازا ءتۇرى مەن ءتيىستى باقىلاۋدىڭ جوقتىعىنان بۇل زاڭ ءىس جۇزىندە  ورىندالماي كەلدى.

Abai.kz