Бейсенбі, 28 Наурыз 2024
Кәсіп-түбі нәсіп 4994 2 пікір 21 Сәуір, 2016 сағат 16:25

Кәсіпкерлерге «Бір терезе» қағидасы бойынша қызмет көрсетілуі тиіс

Кәсіпкерлерге, инвесторларға қызмет көрсету орталықтарын бір жерге шоғырландыру қажет деп есептейді «Атамекен» Ұлттық кәсіпкерлер палатасы.

«Атамекен» ҰКП-ның басқарма төрағасының орынбасары Төлеміс Шотановтың айтуынша, «Бүгінде инвестициялар комитеті, «Kaznex Invest» агенттігі секілді инвестицияларды тарту жөніндегі орталық органдар бар. Өңірлік деңгейде де инвесторларға қызмет көрсету орталықтары құрылған. Сондықтан,  біздің барлық кәсіпкерлеріміз, отандық және шетелдік инвесторлар қызметтер кешенін бір жерден алатындай «бірыңғай терезе» қажет болып тұр». 

Бүгінгі күні Қазақстанда жергілікті атқарушы органдар балансындағы бизнеске көмек көрсететін өңірлік кәсіпкерлер палаталары, «Атамекеннің» кәсіпкерлерге қызмет көрсету орталықтары,  «Даму» кәсіпкерлерге қызмет көрсету орталықтары, тұрғындарға қызмет көрсету орталықтары мен инвесторларға қызмет көрсету орталықтары бар.  «Яғни, кәсіпкер қызметтер кешенін қайдан алатынын білмей бас қатырады. Сол себепті біз кәсіпкерлерге қызмет көрсету орталығын «бір терезе» қағидасы бойынша құруды ұсынып отырмыз.  Өңірлік кәсіпкерлер палаталары функцияларының барынша «Атамекен» КҚКО-на берілуін қалаймыз. Бұл тұста «Даму» КҚКО, ИҚКО, ТҚКО-нан  бірнеше адамды, екінші деңгейлі банктер өкілдіктерін, жұмыспен қамту орталықтарын бір жерге шоғырландырған орынды болар еді», – деді Палата басқарма төрағасының орынбасары.

Шотановтың айтуынша, Палата бұл функцияларды атқаруға қабілетті.  «Сіздерге бірнеше дерек келтіре кетейін. Жыл қорытындылары бойынша біз кәсіпкерлерге 50 мың қызмет көрсеттік, аз уақыт бұрын бұл сан 10-15 мыңға тең болған.  Бюджеттің де артпағанын айта кету керек», – деп мәлімдеді ол.

Сонымен бірге, «Атамекен» өкілі Кәсіпкерлікті дамытудың өңірлік картасы іске қосылғанын да хабарлады. «Сіз businessmap.kz сайтына кіріп,  кез келген өңірдің экономикалық мамандануы, инвестор жұмысының артықшылықтары және т.б. туралы ақпарат ала аласыз. Әзірге карта тек орыс және ағылшын тілдерінде жасалған, жуырда ол қазақ және қытай тілдеріне аударылмақ», – деді ол.

Сондай-ақ, жиында ҚР Инвестициялар мен даму министрлігінің инвестициялар жөніндегі комитет төрағасы Ерлан Қайыров сөз сөйледі.

«Инвесторларға қызмет көрсету орталықтарының жұмыс жасау деңгейі барлық жерде бірдей еместігімен келісемін. Көшбасшы өңірлер де бар, артта қалған өңірлер де бар. Бұл мәселеге дәйекті түрде келу керек.  Бізде Маңғыстаудағы пилоттық жобаның нәтижелері қандай болатынын көру керек. Егер олар жақсы болса, онда функцияларды толық беру туралы ойлануға болады», – деген ұсыныс айтты ол.

Ал өңірлерден келген өкілдер болса, орнатылған тәртіпті өзгертуге күмәнмен қарайтындықтарын жасырмады. Сондықтан талқылауды түйіндей келе, Шотанов кей мәселелерді нақты анықтап алып, бұл тақырыпқа қайта келуді ұсынды.

«Инвесторларға қызмет көрсетудің өңірлік орталықтарының өзара әрекеттестігін нығайтып, ИҚКО қаржыландырудың бюджеттік классификаторын анықтау қажет, сонымен бірге әр өңірдің техникалық мүмкіндіктері мен пилоттық жобаны зерттеп алу керек», – деді ол.

«Ең бастысы, біздің барлығымыз бұл жұмысты жандандырып, белгілі бір деңгейде ұстап тұру қажеттілігін ұғынып отырмыз. Ұлттық палата мен өңірдегі барлық даму институттары арасында өзара әрекеттестік орнауы қажет. ӨКП директорларынан осы мәселеге қатысты өзара әрекеттестікті нығайтып, бақылауда ұстауды сұраймын», – деді Палата өкілі.

Abai.kz

2 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1562
Алашорда

Қожанов межелеу науқанында (Жалғасы)

Бейбіт Қойшыбаев 2256
Ғибырат

Қайсар рухты ғазиз жан

Мұхтар Құл-Мұхаммед 3530