كاسىپكەرلەرگە، ينۆەستورلارعا قىزمەت كورسەتۋ ورتالىقتارىن ءبىر جەرگە شوعىرلاندىرۋ قاجەت دەپ ەسەپتەيدى «اتامەكەن» ۇلتتىق كاسىپكەرلەر پالاتاسى.

«اتامەكەن» ۇكپ-نىڭ باسقارما توراعاسىنىڭ ورىنباسارى تولەمىس شوتانوۆتىڭ ايتۋىنشا، «بۇگىندە ينۆەستيتسيالار كوميتەتى، «Kaznex Invest» اگەنتتىگى سەكىلدى ينۆەستيتسيالاردى تارتۋ جونىندەگى ورتالىق ورگاندار بار. وڭىرلىك دەڭگەيدە دە ينۆەستورلارعا قىزمەت كورسەتۋ ورتالىقتارى قۇرىلعان. سوندىقتان، ء بىزدىڭ بارلىق كاسىپكەرلەرىمىز، وتاندىق جانە شەتەلدىك ينۆەستورلار قىزمەتتەر كەشەنىن ءبىر جەردەن الاتىنداي «بىرىڭعاي تەرەزە» قاجەت بولىپ تۇر». 

بۇگىنگى كۇنى قازاقستاندا جەرگىلىكتى اتقارۋشى ورگاندار بالانسىنداعى بيزنەسكە كومەك كورسەتەتىن وڭىرلىك كاسىپكەرلەر پالاتالارى، «اتامەكەننىڭ» كاسىپكەرلەرگە قىزمەت كورسەتۋ ورتالىقتارى،  «دامۋ» كاسىپكەرلەرگە قىزمەت كورسەتۋ ورتالىقتارى، تۇرعىندارعا قىزمەت كورسەتۋ ورتالىقتارى مەن ينۆەستورلارعا قىزمەت كورسەتۋ ورتالىقتارى بار.  «ياعني، كاسىپكەر قىزمەتتەر كەشەنىن قايدان الاتىنىن بىلمەي باس قاتىرادى. سول سەبەپتى ءبىز كاسىپكەرلەرگە قىزمەت كورسەتۋ ورتالىعىن ء«بىر تەرەزە» قاعيداسى بويىنشا قۇرۋدى ۇسىنىپ وتىرمىز.  وڭىرلىك كاسىپكەرلەر پالاتالارى فۋنكتسيالارىنىڭ بارىنشا «اتامەكەن» كقكو-نا بەرىلۋىن قالايمىز. بۇل تۇستا «دامۋ» كقكو، يقكو، تقكو-نان  بىرنەشە ادامدى، ەكىنشى دەڭگەيلى بانكتەر وكىلدىكتەرىن، جۇمىسپەن قامتۋ ورتالىقتارىن ءبىر جەرگە شوعىرلاندىرعان ورىندى بولار ەدى»، – دەدى پالاتا باسقارما توراعاسىنىڭ ورىنباسارى.

شوتانوۆتىڭ ايتۋىنشا، پالاتا بۇل فۋنكتسيالاردى اتقارۋعا قابىلەتتى.  «سىزدەرگە بىرنەشە دەرەك كەلتىرە كەتەيىن. جىل قورىتىندىلارى بويىنشا ءبىز كاسىپكەرلەرگە 50 مىڭ قىزمەت كورسەتتىك، از ۋاقىت بۇرىن بۇل سان 10-15 مىڭعا تەڭ بولعان.  بيۋدجەتتىڭ دە ارتپاعانىن ايتا كەتۋ كەرەك»، – دەپ مالىمدەدى ول.

سونىمەن بىرگە، «اتامەكەن» وكىلى كاسىپكەرلىكتى دامىتۋدىڭ وڭىرلىك كارتاسى ىسكە قوسىلعانىن دا حابارلادى. ء«سىز businessmap.kz سايتىنا كىرىپ،  كەز كەلگەن ءوڭىردىڭ ەكونوميكالىق ماماندانۋى، ينۆەستور جۇمىسىنىڭ ارتىقشىلىقتارى جانە ت.ب. تۋرالى اقپارات الا الاسىز. ازىرگە كارتا تەك ورىس جانە اعىلشىن تىلدەرىندە جاسالعان، جۋىردا ول قازاق جانە قىتاي تىلدەرىنە اۋدارىلماق»، – دەدى ول.

سونداي-اق، جيىندا قر ينۆەستيتسيالار مەن دامۋ مينيسترلىگىنىڭ ينۆەستيتسيالار جونىندەگى كوميتەت توراعاسى ەرلان قايىروۆ ءسوز سويلەدى.

«ينۆەستورلارعا قىزمەت كورسەتۋ ورتالىقتارىنىڭ جۇمىس جاساۋ دەڭگەيى بارلىق جەردە بىردەي ەمەستىگىمەن كەلىسەمىن. كوشباسشى وڭىرلەر دە بار، ارتتا قالعان وڭىرلەر دە بار. بۇل ماسەلەگە دايەكتى تۇردە كەلۋ كەرەك.  بىزدە ماڭعىستاۋداعى پيلوتتىق جوبانىڭ ناتيجەلەرى قانداي بولاتىنىن كورۋ كەرەك. ەگەر ولار جاقسى بولسا، وندا فۋنكتسيالاردى تولىق بەرۋ تۋرالى ويلانۋعا بولادى»، – دەگەن ۇسىنىس ايتتى ول.

ال وڭىرلەردەن كەلگەن وكىلدەر بولسا، ورناتىلعان ءتارتىپتى وزگەرتۋگە كۇمانمەن قارايتىندىقتارىن جاسىرمادى. سوندىقتان تالقىلاۋدى تۇيىندەي كەلە، شوتانوۆ كەي ماسەلەلەردى ناقتى انىقتاپ الىپ، بۇل تاقىرىپقا قايتا كەلۋدى ۇسىندى.

«ينۆەستورلارعا قىزمەت كورسەتۋدىڭ وڭىرلىك ورتالىقتارىنىڭ ءوزارا ارەكەتتەستىگىن نىعايتىپ، يقكو قارجىلاندىرۋدىڭ بيۋدجەتتىك كلاسسيفيكاتورىن انىقتاۋ قاجەت، سونىمەن بىرگە ءار ءوڭىردىڭ تەحنيكالىق مۇمكىندىكتەرى مەن پيلوتتىق جوبانى زەرتتەپ الۋ كەرەك»، – دەدى ول.

«ەڭ باستىسى، ءبىزدىڭ بارلىعىمىز بۇل جۇمىستى جانداندىرىپ، بەلگىلى ءبىر دەڭگەيدە ۇستاپ تۇرۋ قاجەتتىلىگىن ۇعىنىپ وتىرمىز. ۇلتتىق پالاتا مەن وڭىردەگى بارلىق دامۋ ينستيتۋتتارى اراسىندا ءوزارا ارەكەتتەستىك ورناۋى قاجەت. وكپ ديرەكتورلارىنان وسى ماسەلەگە قاتىستى ءوزارا ارەكەتتەستىكتى نىعايتىپ، باقىلاۋدا ۇستاۋدى سۇرايمىن»، – دەدى پالاتا وكىلى.

Abai.kz