НҰРӘЛИ ӘЛИЕВ ҚЫЗМЕТТЕН КЕТТІ
Нұрәли Әлиев Астана қаласы әкімінің орынбасары қызметінен кетті. «Мен өзімді көп жылдар бизнеске арнадым. Қаржы ісінің қыр-сырын меңгеріп, компанияны одан әрі дамытқым келеді. Бұл менің жақсы көретін ісім. Сондықтан қызметтен кеттім». Қызметтен кетуін Әлиев осылай түсіндіріпті.
Анықтама
Әлиев Нұрәлі Рахатұлы
1985 жылғы 1 қаңтарда туған.
Білімі:
Абай атындағы Қазақ Ұлттық Педагогикалық университеті – экономика және қаржы бакалавры;
Пеппердин университеті – бизнес-әкімшілендіру бакалавры;
Имадек университеті – бизнес-әкімшілендіру магистрі.
Еңбек жолы:
2003 - 2004 жж. – «Қант орталығы» АҚ Халықаралық бөлімі;
2004 - 2006 жж. – «Қант орталығы» АҚ Президенті;
2006 ж. – “Capital Holding” компаниялар тобы директорлар кеңесінің төрағасы;
2006 - 2007 ж.ж. – «Нұрбанк» АҚ Басқарма төрағасының Бірінші орынбасары;
2007 ж. қазан - 2010 жж. – «Нұрбанк» АҚ Директорлар кеңесінің төрағасы;
2008 ж. желтоқсан - 2013 жж. – «Қазақстанның Даму банкі» АҚ Басқарма Төрағасының орынбасары;
2013 ж. 26 қарашадан бастап – "Транстелеком" АҚ Басқарма Төрағасы;
2014 ж. 19 желтоқсаннан бастап Астана қаласы әкімінің орынбасары.
Бизнес анықтама
Нұрәли Әлиев – 31 жаста. Байлығы: $200 миллион. Қаржы көзі: қаржы, телеком, медиа. 23 жасында Қазақстанның Даму банкінің вице-президенттігіне тағайындалған Дариға Назарбаева мен Рахат Әлиевтің тұңғыштары - Нұрәли «СAPITAL HOLDING» АҚ, «Радио Сити» ЖШС (Hit FM), «Донателло» қонақүйі мен анасы басқаратын «АЛМА-ТВ» АҚ-ның 20 пайыз, «НТК» АҚ-ның 20 пайыз, «Телекрона» компаниясының 50 пайыз акциясына иелік етеді. Forbes тізімінде елдегі ең бай елу адамның ішінде 32-орында тұр.
Abai.kz
