Қазақстандық фильммейкер Нұртас Адамбаев келесі фильмін туған қаласы Таразға арнайды, деп хабарлайды Kinostan.kz.

Адамбаев өзіне жақын комедия жанрынан бас тартып, келесі жобасын қылмыстық драма бағытында түсіреді. «Тараз» деп аталатын киноның түсірілімі биыл наурызда басталады, ал премьерасы күз немесе қыс айларына жоспарланған.

«Фильмде біз белгілі бір жағдайларға терең үңілеміз. Мысалы, адамдардың қылмыстық жолға неліктен түсетіні туралы. Өйткені әрбір әрекеттің өз себебі болады ғой… Яғни, өмірді қаз-қалпында көрсеткіміз келеді», — деді режиссер Tengrinews.kz сайтына берген сұхбатында.

Еске сала кетелік, 2016 жылы 17 наурызда Нұртас Адамбаевтың «Келинка Сабина 2″ комедиясы прокатқа шығады.

Abai.kz