Тәжікстан бас прокуратурасының аса маңызды істер жөніндегі аға тергеушісі Джамшед Мелибоевтың Озоди радиосына хабарлауынша, Хадилда Азиззодаға қылмыстық кодекстің 120-бабы, яғни "адам саудасы" фактісі бойынша айып тағылды. Тәжік әйелін біраз уақыт бұрын Түркия құқыққорғау органының қызметкерлері ұстап, Тәжікстанға жеткізген еді.

Мелибоевтың айтуынша, Хадиджа Азиззода тәжік қыздарын жұмыс берем деген желеумен Түркияға алып барып, оларды сонда жезөкшелікпен шұғылдануға мәжбүрлеген.

Қылмыстық іс тергеушілерінің мәліметі бойынша, күдіктінің тұзағына түсіп қалған екі әйел Азизаға қарсы куәлік еткен. Джамшед Мелибоевтың айтуынша, алдын ала тергеу мәліметі бойынша, күдікті ұйымдастырған жезөкшелер үйіне негізінен ауған және парсы босқындары, сондай-ақ Түркия азаматтары көп келетін болған.

Қазір күдікті Душанбедегі тергеу абақтысында отыр, ал жалған уәдемен Түркияға әкетілген екі әйел үйлеріне қайтарылды.

Абай-ақпарат