Оңтүстік Қазақстан облысында машина-трактор стансасы құрылды. Бұл туралы «Абай ақпарат» ОҚО әкімінің баспасөз қызметіне сілтеме жасай отырып хабарлайды.Ауыл шаруашылығы  өнімдерінің көлемін ұлғайтуды,  экспортқа шығаруды  қамтамасыз етуде  ұсақ тауар өндірушілердің мәселелерін кешенді шешу үшін,   ҚР «Ауыл шаруашылығы кооперативтері туралы»   Заңына сәйкес, облыста кооперативтерді құру белсенді жүргізілуде, деп хабарлады ОҚО әкімінің баспасөз қызметі.

Бүгінгі күнге облыста 8 мыңнан аса ұсақ фермерлік шаруашылықтар 81 ауыл шаруашылығы өндірістік кооперативтеріне бірігіп, жұмыс атқаруда. Олар даму бағыттары бойынша 19 бірлік мақта шаруашылығы,  30 бірлік астық, 4 бірлік сүт өндірісі, 13 бірлік ірі және ұсақ мал шаруашылығы, 3 түйе шаруашылығы, 3 жүгері өсіру, 4 жылыжай, 5 тағы басқа шаруашылықтардан құралып отыр.

Сонымен қатар, биылғы жылы облыста 14  машина-трактор  стансасы (МТС) құрылған.

МТС-тер құрамында 108 доңғалақты трактор, 7 шынжыр табанды тракторр, 28 астық оратын, 9 жем-шөп оратын, 4 жүгері оратын комбайндар мен 186 басқа да техникалар бар.        

Дереккөзі: ҚазАқпарат агенттігі

Abai.kz