"Белгілі ақын, Маралтай (Райымбекұлы) Мемлекеттік сыйлықтан бас тартыпты" деген әңгіме ел арасында гулеп тұр. Тіпті, соңғы кездерде интернеттегі түрлі әдеби пікірталастардың ішінде белгісіз біреулер Маралтайдың атынан "Мемлекеттік сыйлықтан бас тартатындығын" мәлімдеп жатқан көрінеді.

Біз бұл істің ақ-қарасын білмек болып ақынға хабарластық. 

Маралтай Райымбекұлы, ақын: 

- Маралтай Мемлекеттік сыйлықтан бас тартыпты деген бос сөз. Мен ондай мәлімдеме жасаған емеспін. Жасамаймын да. Менің атымнан біреулер интернетке тіркеліп алып, сондай дақпырт таратып жатқанға ұқсайды. Мұны өз басым арандату деп білемін. Мемлекеттік сыйлықтан неге бас тартуым керек екен? Ел осындай арандатуға сеніп қалмаса екен. 

Abai.kz