"Нұр Отан" партиясы Сайрам аудандық филиалының мәжіліс залында Сайрам аймағы бойынша ауданаралық Мемлекеттік қызмет істері және сыбайлас жемқорлыққа қарсы іс-қимыл басқармасы және "Нұр Отан" партиясы Сайрам аудандық филиалының ұйымдастыруымен "Ашық есік" акциясы аясында қоғамдық қабылдау өткізілді. Қоғамдық қабылдауға келген азаматтарды Сыбайлас жемқорлыққа қарсы іс-қимылдар ұлттық бюросының Оңтүстік Қазақстан облысы бойынша департаментінің басшысы Нәлібаев Мақсұт Ыбырайханұлың өзі жеке қабылдап, мәселелерінің шешілуіне ықпал жасады. Сондай-ақ, Мемлекеттік қызмет істері және сыбайлас жемқорлыққа қарсы іс-қимыл басқармасы тарапынан арнайы сенім телефондары жазылған сыбайлас жемқорлыққа қарсы әдістемелік құралдар таратылды.

ФУТБОЛДАН ЖАРЫСТАР ТҰРАҚТЫ ТҮРДЕ ӨТКІЗІЛУДЕ

Сайрам ауданы, Қарабұлақ ауылдық округінде жастар  арасында салауатты өмір салтын насихаттау мақсатында 2016 жылдың сәуір айынан бастап әр аптаның сенбі-жексенбі күндері футболдан жарыстар тұрақты түрде ұйымдастырылуда.

№4 СПОРТ МЕКТЕБІНІҢ ҒИМАРАТЫ

Қарабұлақ ауылдық округінде орналасқан аудандық №4 спорт мектебінің ғимаратында жөндеу жұмыстары жүргізілуде. Нысанның жөндеу жұмыстарымен Сайрам ауданы әкімінің орынбасары Б.Олжаев, аудандық спорт және денешынықтыру бөлімінің басшысы Б.Асқаров және аудандық мәслихатының депутаты М.Сиддиқовтар арнайы барып атқарылып жатқан құрылыс жұмыстарымен танысты.

Abai.kz